• Printable version

Shërbimi Ligjor për Refugjatët -
Shënim informativ për Aplikantët

Çfarë është Shërbimi Ligjor për Refugjatët?
Shërbimi ligjor për refugjatët është një zyrë e krijuar nga Bordi i Ndihmës Ligjore për të ofruar shërbime ligjore të pavarura dhe konfidenciale për personat që aplikojnë për azil në Irlandë. Gjithashtu, ndihmë dhe këshillë ligjore ofrohet edhe në raste të caktuara për çështje imigracioni dhe deportimi.

Pavarësia
Bordi i Ndihmës Ligjore është një trup kushtetues i pavarur që ofron shërbime ligjore për çështje civile.


Fshehtësia
Shërbimi Ligjor për Refugjatët siguron një shërbim të fshehtë për të gjithë personat e përshtatshëm që u takon.


Testi i Mjeteve
Për tu kualifikuar për shërbimet ligjore, të ardhurat tuaja (ndihmë financiare më pak e sigurtë) duhet të jenë më pak se €18,000 për vit. Nëse ju jeni duke marrë vetëm pagesa të Ndihmës Sociale, në përgjithësi ju do të jeni të përshtatshëm për shërbime ligjore me kontribut minimal. Nëse jeni duke marrë furnizime direkte nga Shteti (d.m.th. akomodim dhe ushqime në mënyrë direkte në vend të pagesës të ndihmës sociale) ju mund të aplikoni që ti keni disa nga kontributet tuaja të mos merren parasysh, me zgjedhjen e Bordit të Ndihmës Ligjore.

Sekretësia
Shërbimi ligjor për refugjatët ofron shërbim konfidencial për të gjithë personat që kontaktojnë me të.

Testimi i të Ardhurave
Në mënyrë që të kualifikoheni për shërbime ligjore, të ardhurat tuaja (duke zbritur pagesa të caktuara) duhet të jenë më pak se 18000 euro në vit. Për këshillë ligjore do të paguani vetëm një minimum prej 10 euro. Për përfaqësim përpara Tribunalit të Apelit për Refugjatët ose për përfaqësim përpara Gjykatës së Lartë (nëse është rasti) do të paguani një minimum prej 50 euro për ndihmë ligjore. Nëse keni paguar që më parë kontribut për këshillë prej 10 euro, balanca që duhet paguar për ndihmë ligjore do të jetë 40 euro.

Personat që marrin vetëm pagesa nga shërbimet shoqërore, në përgjithësi, do të kenë të drejtë për shërbime ligjore me kontribut minimal. Personat që marrin furnizim të drejtpërdrejtë nga Shteti (psh strehimi dhe ushqimi iu jepen drejtprërdrejt, në vend të pagesave nga shërbimet shoqërore) mund të aplikojnë që një pjesë e kontributit të tyre të hiqet, kjo mbetet në dorë të Bordit të Ndihmës Ligjore.

Si mundet t'ju ndihmojë Shërbimi i Ndihmës Ligjore?
Një personi që aplikon për shërbime ligjore do t'i ofrohet ndihmë sa më shpejt që të jetë e mundur. Ndihma do të sigurohet në këtë mënyrë:

> Ne, përgjithësisht, ndihmojmë në aplikimin për azil duke ju ofruar këshillë përpara se të dorëzoni pyetësorin në Zyrën e Komisionerit të Aplikimeve për Refugjat ose përpara se të merrni pjesë në intervistën në Zyrën e Komisionerit të Aplikimeve për Refugjat.
> Ne mund të sigurojmë përkthyes për takimin tuaj me avokatin.
> Ne mund t'i dorëzojmë Zyrës së Komisionerit të Aplikimeve për Refugjat një argumentim të shkruar në mbështetje të kërkesës suaj për azil.
> Ne mund t'ju ofrojmë përfaqësim përpara Tribunalit të Apelit për Refugjat.
> Kur statusi i refugjatit të refuzohet, ne, përgjithësisht, mund të ndihmojmë për dorëzimin e aplikimeve që bëhen në bazë të Ligjit të Imigracionit 1999 dhe çështjeve që ngrihen si rrjedhojë.
> Ne mund të asistojmë në lidhje me urdhërat e deportimit dhe procedurat e Rishikimeve Gjyqësore.

Çfarë kërkon prej Jush Shërbimi Ligjor për Refugjatët?
Nëse bëheni klient i Shërbimit Ligjor për Refugjatët, ju duhet:
Të na mbani gjatë gjithë kohës në dijeni të adresës suaj.
Të jeni të pranishëm në të gjitha takimet që ju jepen me avokatin ose këshilltarin në zyrën e Shërbimit Ligjor për Refugjatët. Kufijtë kohorë janë striktë gjatë gjithë fazave të procesit të azilit dhe mungesa e korrektësisë në takime mund të bëjë që Shërbimi Ligjor për Refugjatët të mos jetë në gjendje t'ju ofrojë shërbim.

Ankesat
Bordi zotohet të ofrojë shërbim cilësor profesional në të gjitha rastet dhe ka gati procedura formale për të trajtuar ankesat nga azilkërkuesit. Një kopje e procedurës së ankesave mund të gjendet në të gjitha zyrat e Shërbimit Ligjor për Refugjatët ose në zyrën qendrore të Bordit ose në çdo qendër ligjore.

Më tej, ekziston një komitet i pavarur i veçantë i krijuar me qëllim që të vëzhgojë cilësinë dhe gadishmërine e shërbimeve ligjore të ofruara nga Bordi për azilkërkuesit.

Komiteti Monitorues i Pavarur për Shërbimin Ligjor për Refugjatët mirëpret gjithë komentet dhe është i gatshëm të ndjekë gjithë ankesat në lidhje me shërbimin e ofruar nga Shërbimi Ligjor për Refugjatët.


Adresat dhe numrat e tel./faks të zyrave Të Shërbimit Ligjor për Refugjatët
Timberlay House, 79/83 Lwr Mount St., Dublin 2
Tel falas: 1800 229222 Tel: (01) 6310800 Faks: (01) 6615011
48/49 North Brunswick Street, Georges Lane, Dublin 7
Tel falas: 1800 238343 Tel: (01) 6469600 Faks: (01) 6710200
North Quay House, Popes Quay, Cork.
Tel falas: 1800 202420 Tel: (021) 4554634 Faks: (021) 4557622
Seville House, New Dock Street, Galway
Tel falas: 1800 502400 Tel: (091) 562480 Faks: (091) 562599

Shënim: Me numrat falas mund të lidheni vetem nga një telefon me linjë tokësore ose telefonat e kabinave në rrugë (jo nga celularët)

Adresa e Komitetit Monitorues të Pavarur
Secretary of the Independent Monitoring Committee, PO Box 9169 Dublin 2
Tel: (01) 6167859