Seirbhís Cúirt-bhunaithe na Seirbhíse Idirghabhála Teaghlaigh

Cuireann an tSeirbhís Idirghabhála Teaghlaigh seirbhís eolais agus idirghabhála ar fáil i 6 Cúirteanna Dúiche ar fud na tíre i láthair na huaire: Teach an Charnáin Baile Átha Cliath, An Nás, An tAonach, Cluain Meala, Cathair Luimnigh, Cathair Chorcaí agus Trá Lí. Cliceáil anseo le haghaidh sonraí teagmhála.

Conas a gcabhródh an tseirbhís seo liom?

Má tá an gaol idir tú féin agus tuismitheoir eile do linbh briste síos agus má theastaíonn uait a fháil amach conas is féidir libh beirt a bheith i bhur dtuismitheoir sa todhchaí, d'fhéadfadh sé go bhfuil tú ag pleanáil dul chun Cúirte chun ordú Coimeádta / Rochtana / Cothabhála / Caomhnóireachta a lorg.

B’fhéidir go bhfuil roghanna eile agat…

Ní rud deas é dul chun na cúirte agus go deimhin d’fhéadfadh sé na deacrachtaí atá idir tú féin agus d’iarpháirtí a mhéádú. In áit dul chun na Cúirte, d’fhéadfadh tú féin agus tuismitheoir eile do linbh triail a bhaint as idirghabháil.

Cén fáth a mbainfinn triail as Idirghabháil?

Ó thaobh do linbh de, tá sé tábhachtach go mbeadh cumarsáid mhaith idir tú féin agus tuismitheoir eile do linbh. Go minic, éiríonn sé sin an-deacair nuair a bhíonn tú páirteach sa chóras cúirte.

Cad is Idirghabháil ann?

Tugann idirghabháil deis duit do chinntí féin a dhéanamh maidir le conas is féidir libh beirt a bheith i bhur dtuismitheoirí sa todhchaí agus aird á thabhairt ar riachtanais na bpáirtithe go léir. Cliceáil anseo le haghaidh tuilleadh eolais.

Conas a oibríonn Idirghabháil?

Cabhróidh idirghabhálaí leat na saincheisteanna atá tábhachtach daoibh beirt a phlé ionas gur féidir libh na cinntí is fearr do bhur leanbh a dhéanamh. Cliceáil anseo le haghaidh tuilleadh eolais.

Cad a tharlaíonn mura féidir linn teacht ar chomhaontú?

Tá rogha agat i gcónaí dul chun na cúirte chun do chás a phlé os comhair Breithimh.

Cén costas atá ar Idirghabháil?

Tá an tSeirbhís Idirghabhála saor in aisce.

Conas is féidir liom tuilleadh eolais a fháil amach faoi Idirghabháil?

Má dhéanann tú teagmháil le ceann de na hoifigí Idirghabhála Teaghlaigh cúirt-bhunaithe beidh tú in ann coinne a dhéanamh chun freastal ar sheisiún eolais le hIdirghabhálaí a mhíneoidh go díreach mar a n-oibreodh Idirghabháil duitse agus do thuismitheoir eile do linbh.
Mura bhfuil seirbhís chúirt-bhunaithe i ngar duit déan teagmháil le ceann eile d’oifigí na Seirbhíse Idirghabhála Teaghlaigh a bheidh sásta tuilleadh eolais a thabhairt duit.